IELTS-д бэлдэх зөвлөмж
IELTS шалгалт нь гадаадад суралцахад шаардлагатай англи хэлний түвшинг тогтоодог хамгийн алдартай шалгалтуудын нэг юм. IELTS -ийн оноог дэлхийн 140 гаруй орны 10,000 гаруй байгууллага хүлээн зөвшөөрдөг бөгөөд үүнд сургууль, их сургууль, засгийн газрын хэлтэс, цагаачлалын алба болон бусад мэргэжлийн байгууллагууд багтдаг.
IELTS-ийн шалгалтын формат 2021
IELTS-ийн шалгалтын бүрэлдэхүүн хэсэг.
Хугацаа. Товч тайлбар
Сонсох. 30 минут. 4 хэсэг, 40 зүйл
Унших. 60 минут. 3 хэсэг, 40 зүйл
Бичих. 60 минут. 2 дасгал
Ярих. 11–14 минут. 3 хэсэгтэй ганцаарчилсан яриа
IELTS -ийн бэлтгэхийн онцлог зүйлсийн нэг бол хүмүүс бэлтгэлээ өөрсдийн өдөр тутмын амьдралдаа хялбархан оруулах боломжтойд нь оршдог. Англи хэлээр ном унших, найз нөхөдтэйгээ чатлах, эсвэл бүр англиар телевиз үзэх нь хүртэл IELTS -ийн шалгалтанд бэлдэхэд тусалдаг.
1. IELTS -д бэлтгэх зөвлөмж – Сонсох хэсэг
IELTS Сонсох хэсгийн хэв маяг:
Сонсох хэсэг нь IELTS -ийн шалгалтын эхний бөгөөд хамгийн чухал хэсэг юм. IELTS -ийн энэ хэсэг нь дөрвөн хэсгээс бүрдэх бөгөөд дотроо 40 зүйлийг багтаасан болно. IELTS -ийн бэлтгэлийн хувьд хэсэг бүрийг тусад нь нухацтай авч үзэх нь зүйтэй байдаг.
Сонсох бэлтгэл хийх зөвлөмжүүд:
a. Харилцан яриа: Тус хэсэг нь хоёр хүний хоорондын харилцан яриан дээр тулгуурладаг. Энэ нь утасны яриа эсвэл ерөнхий яриа байж болох бөгөөд танаас ярианы талаархи тодорхой мэдээллийг тэмдэглэхийг хүсэх болно. IELTS -ийн хэсэгт бэлдэх хамгийн сайн арга бол аль болох олон харилцан яриаг сонсох явдал юм. Ингэхдээ унаган англи хэлтэй хүмүүсийн хоорондох яриаг сонсож дадах хэрэгтэй. Унаган бус англи хэлтэй сонсогчдод тулгардаг томоохон бэрхшээлүүдийн нэг бол төрөлхийн англи хэлтэй хүмүүсийн ярианы чадварыг ойлгох явдал байдаг. Гэсэн хэдий ч үүнийг тогтмол харилцан яриа сонсох, цаасан дээр тэмдэглэх зэрэг тогтмол дасгал хийн сайжруулж болно.
b. Илтгэл: Энэ хэсэгт та англи хэл дээрх илтгэл сонсоно. Тус илтгэл нь нийгмийн эсвэл эрдэм шинжилгээний сэдэвтэй байх бөгөөд түүнтэй холбоотой асуултууд ирдэг. Гол шалгуур нь тухайн илтгэлийн үндсэн санаа, онцолсон асуудлуудыг хэр сайн ойлгох чадвартай байна вэ гэдэгт оршдог тул англи хэл дээр ТED X Talks мэтийн олон илтгэл сонсож дасгал хийх хэрэгтэй.
c. Монолог: Энэ нь аливаа дүрийн өөртөө эсвэл өөр нэгэнд хандсан яриаг хэлдэг. Кино эсвэл жүжиг үзэх нь сайн бэлтгэл болно.
2. IELTS-д бэлтгэх зөвлөмж- Унших хэсэг
Энэ хэсэгт таны уншиж ойлгох чадварыг үнэлнэ. Үндсэндээ урт эх буюу өгүүлэл уншиж, түүн дээрээ тулгуурласан сонгох, бөглөх, хураангуйлан бичих, тохирох мэдээлэл, богино хариулт гэх мэт олон асуултууд дээр ажилладаг. IELTS -ийн академик болон ерөнхий шалгалтын аль алиных нь унших хэсгүүд өөр байна. Академик шалгалтын агуулга нь ихэвчлэн арай хүнд байдаг.
Зөвлөмжүүд:
a. Аль болох их унш: Энэ нь эхэндээ уйтгартай санагдаж магадгүй юм. Тиймээс үүнийг дадал болгох хамгийн хялбар арга бол өөрийн хамгийн сонирхол татсан зүйлийг унших явдал юм. Энэ нь ямарваа богино цогцолбор, зар сурталчилгаа, эсвэл бүр сонины товч мэдээлэл байж болно. Дараа нь ажмаар урт эссэ, богино өгүүллэг гэх мэт илүү хүнд унших материал руу шилжиж болно.
b. Тэмдэглэл хий: Уншиж байхдаа тэмдэглэл хийхийг зөвлөж байна. Энэ нь дараа нь хэрэгтэй мэдээллийг хайхад хэрэг болдог. Юуг онцлох, юуг анхаарах ёстойг ойлгох нь чухал юм.
c. Дасгалыг давт: Ганц удаа унших нь тус болохгүй. Дахин дахин уншсанаар өмнө нь тэмдэглэж авсан зүйлээ санах, баталгаажуулах боломжийг олгодог. Түүнчлэн, та дахин уншихдаа өмнө нь хараагүй шинэ санаа олж болно.
d. Ойлгох дадлага хийх: Уншаад түүнийгээ богино хугацаанд сайн ойлгох нь таны эзэмших хэрэгтэй чадвар юм. Үүнийг уншаад бөглөх тестийн дасгалууд хийж сайжруулах хэрэгтэй.
3. IELTS-д бэлтгэх зөвлөмж- Бичих хэсэг
IELTS-ийн хувилбар бүрийн бичих хэсэг нь хоёр дэд хэсэгтэй. Академик хувилбарт диаграм, график, диаграмыг тайлбарлахаас гадна өөрийн үзэл бодол, аргументыг илэрхийлэх эссэ бичих шаардлагатай.
Ерөнхий хувилбарт шалгалт өгч буй хүнд нэгэн нөхцөл байдлыг танилцуулж, эсээгийн хажуугаар тус нөхцөл байдлыг тайлбарласан захидал бичүүлдэг.
IELTS бичих хэсгийн зөвлөмжүүд:
1. Жишиг эсээ унших: Аль болох олон эсээ унших нь тустай. Эсээг сайтар судалж, гол аргументүүдийг нь олж тэмдэглэх хэрэгтэй. Мөн уншиж байхдаа анхаарах цөөн хэдэн зүйл бий.
Тодруулга- Эсээний сэдэв. Сэдвийг тодорхой болгохын тулд дараах асуултуудыг тавьж болно
- Эхний догол мөр нь сэдвийг тодорхой болгож байна уу?
- Гарчиг нь эсээ сэдвийг тусгасан уу?
- Зохиолч нь эсээний гол аргументүүдийг хэрхэн уялдуулж байна вэ?
Эсээ бичих: Эсээг олон бичиж байж л сайн бичиж сурна.
Бичихээсээ өмнө дараах зүйлсийг анхаарах хэрэгтэй:
- Өгөгдсөн сэдвийн хүрээнд толгойнд орж ирсэн бүх санаануудаа цувуулан бичих
- Дараа нь түүнээсээ хэдийг нь шүүж авах
- Аль талын санааг баримтлахаа шийдэх
Аргументуудаа танилцуулахдаа тус санаагаа л баримтлах. 1-ээс илүү талын санааг эсээндээ тусгах хэрэггүй.
3. Дүрмийн дадлага: Дүрмийн дадлага хийх нь эсээ, хураангуй зэргийг ямар ч алдаагүй бичихэд тусалдаг.
4. IELTS-д бэлдэх зөвлөмжүүд-Ярих хэсэг
Ярих хэсэгт та шалгагчтай харилцан яриа өрнүүлэх болно.
Нэгдүгээр хэсэг: Эхний хэсэгт шалгагч шалгуулагчаас хувийн сонирхол, боловсрол, гэр бүл гэх мэт ерөнхий асуултуудыг тавьдаг. Энэ хэсэгт:
1. Хариултууддаа үнэ цэнэ нэм: Тодорхой байх нь сайн. Гэсэн хэдий ч та хариултдаа сонирхолтой баримтуудыг нэмж оруулах боломжтой. Жишээ нь: ‘Та хаанаас ирсэн бэ?’ гэж асуувал энгийнээр хариулахаас гадна тус газрынхаа талаарх жижиг деталийг нэмэн хэлж болно.
2. Аль болох хурдан хариулах зэргийг анхаарах хэрэгтэй.
Хоёрдахь хэсэг: Энэ хэсэгт шалгуулагчдад нэг сэдэв өгч, тухайн сэдвээр дор хаяж 2–3 минутын турш тасралтгүй ярихыг хүсдэг. Шалгагч шалгуулагчийн ярианы ур чадвар, мэдлэгийг шалгадаг.
1. Ярихаасаа өмнө бод: Хурдан хариулах нь чухал боловч ярьж эхлэхээсээ өмнө дор хаяж нэг минутийг бодоход зарцуулах хэрэгтэй. Ингэснээр та илүү цэгцтэй, бүтэцтэй ярихад дөхөм болно.
2. Мэдлэг: Та ярьж буй зүйлийнхээ талаар мэдлэгтэй байх ёстой. Сэдвийн гол санааг шалгагчид тодорхой ойлгуулах хэрэгтэй. Үүний тулд өргөн хүрээний сэдвүүдээр материал унших дадалыг өөртөө хэвшүүлж, мөн түүнийгээ бусдад тайлбарлах байдлаар дадлага хийх хэрэгтэй.
