TOEFL -д бэлдэхдээ анхаарах 10 зүйлс

TOEFL нь унаган англи хэлтэй бус хүмүүсийн тус хэлээр ярих,бичих, унших, сонсох, чадварыг шалгаж, үнэлэх зорилготой шалгалт билээ.

1. TOEFL шалгалтын форматтай танилцах

Эхлээд TOEFL-ийн форматтай сайн танилцаж авах нь маш чухал. TOEFL нь дараах 2 төрөлтэй байдаг.

Интернетэд суурилсан тест (iBT):

Унших хэсэг: 60–80 минут, 36–56 асуулт

Сонсох хэсэг: 60–90 минут, 34–51 асуулт

Богино завсарлага: 10 минут

Ярих хэсэг: 20 минут, 6 даалгавар

Бичих хэсэг: 50 минут, 2 эсээ

Цаасан дээр суурилсан тест:

Сонсох хэсэг: 30–40 минут, 50 асуулт

Бичих хэсэг: 25 минут, 40 асуулт

Унших хэсэг: 55 минут, 50 асуулт

TWE тест: 30 минут, 1 эсээ

TOEFL-ийн албан ёсны вэбсайтыг шалгаж шалгалтын хэлбэрийн талаар илүү дэлгэрэнгүй мэдээлэл авч, шалгалтын төвүүдийнхээ байршлыг олж болно шүү.

2. Яагаад энэхүү шалгалтыг өгч байгаагаа мэддэг байх

9’000 гаруй коллеж, их дээд сургууль, агентлаг, байгууллагууд 130 гаруй оронд TOEFL шалгалтыг хүлээн авч, шаарддаг. Сайн бэлтгэлтэй байхын тулд тест өгөх болсон шалтгаанаа мэдэх нь чухал юм.

Жишээ нь:

- Албан ёсны шалгалтаар англи хэлнийхээ түвшинг мэдэхийн тулд.

- Их сургуульд элсэхийн тулд.

- Курс эсвэл ажилд тэнцэхийн тулд.

- Таны цагаачлалын шаардлагад зориулж гэх мэт.

3. Суралцахад таатай орчин бүрдүүлэх

Энэ нь танай өрөө, номын сан, кафе, ажлын өрөө, зочны өрөө гээд ямар ч газар байж болно. Хамгийн гол нь тухтай байх нь чухал юм.

Дуу чимээ багатай, аливаа сатааруулах зүйлсээс хол орчинг бүрдүүл.

Суралцах байраа цэвэр цэмцгэр байлга. Ширээн дээрх зүйлсээ цэгцэлж, аль болох эмх цэгцтэй байхыг хичээ. Замбараагүй орчинд хүн амархан стрэссдэж, улмаар сургалтын чанарт муугаар нөлөөлдөг.

Завсарлага, хоолны цаг зэргээ сайтар төлөвлө. Завсарлагааны хуваарийг гаргаснаар та сурах цагаараа илүү сайн төвлөрөх боломжтой болно. Мөн эрүүл хоол хүнс идэх нь илүү сайн төвлөрөхөд тусалдаг. Мөн шингэн зүйл сайн уух нь чухал шүү.

Оюун ухаанаа цэнэглэ. Дасгал хөдөлгөөн, бясалгал, тайвшруулах дасгал зэргийг хий. Calm, Headspace зэрэг app уудыг ашиглаж болно.

4. TOEFL-д бэлдэхэд зориулагдсан гарын авлага авах

Тестийн тайлбар, судалгааны зөвлөмжийг анхааралтай уншаарай. Аливаа дасгалыг хийж эхлэхээсээ өмнө товчхон гүйлгэн уншиж хэвших хэрэгтэй.

TOEFL-ийн сургалтын гарын авлага ашиглахдаа, Гол санаануудын доогуур зурж, номын хажуу талд эсвэл цаасан дээр тэмдэглэл хөтлөөрэй. Дараа нь хариултаа шалгаж, алдаануудаа хянаж үзээрэй. Шаардлагатай бол дасгалын дасгалын үеэр толь бичгээ ашиглаж болно.

Сонсох дасгал хийж байхдаа товч зөвхөн хамгийн чухал санаануудыг аль болох товчоор бичиж тэмдэглэ.

Эсээгээ бичихийнхээ өмнө сэдвийнхээ талаар сайтар тунгааж, дараа нь санаагаа бич. Танилцуулга, оршил, гол санаа, дүгнэлтээ төлөвлө. Тодорхой тоймтой болсныхоо дараа бичиж эхэл. Дууссаны дараа дахин дахин уншиж, алдаагаа засахаа мартав.

Ярих даалгаврыг хийж бйхдаа.яг асуусан асуултанд нь л тодорхой хариул, өөр зүйлийн талаар бүү ярь. Мөн аль болох намуун, тайван өнгө аясаар, үгээ тод, тодорхой хэлэхийг хичээ.

5. Хэрэглээний англи хэлээр бичигддэг материал уншах

TOEFL шалгалтын унших хэсэгт тодорхой сэдвийн талаар хэд хэдэн эх уншиж, тэдгээртэй холбоотой асуултанд хариулдаг тул өргөн хүрээний сэдвээр материал уншиж, үгийн сангаа баяжуулах хэрэгтэй. Тиймээс:

- Өдөр бүр дор хаяж 30 минут англи хэл дээр материал унших:

Унших сонирхолтой зүйлтэй зарим гайхалтай вэбсайтууд байдаг бөгөөд үүнд:

Шуурхай мэдээ — Мэдээллийг ашиглан олон төрлийн уншлага, дасгалуудыг хийдэг.

Өгүүллийн архив — Энэ нь CNL-ээс ESL суралцагчдад зориулсан олон мэдээний түүхтэй.

Англи хэлний сервер — Та эндээс олон хялбар богино өгүүллэг, уран зохиол олж авах боломжтой.

- Өөрөөсөө асуулт асуу:

Хэдэн догол мөр уншсаныхаа дараа зогсоод өөрөөсөө хэдэн асуулт асууж, хэрэв хариулж яадахгүй байвал дахин нэг унш. Уншиж дуусаад бүгдийг нь хураангуйлан дүгнэн бичиж, түүнийгээ илтгэн танилцуулах замаар бичих болон ярих чадваруудаа зэрэг хөгжүүлж болно.

- Үгийн сангаа баяжуул.

Унших энэ дасгалаагхийхдээ шинэ үгсийн доогуур зурж, утгыг нь. толь бичгээс олоод тэмдэглэлийн дэвтэр эсвэл картан дээр бич. Тэгээд ярианы болон бичгийн дасгалууддаа эдгээр үгсээ ашиглахыг хичээ.

6. Англиар сонсож, ойлгох дасгал хийх

Сонсох хэсэгт та монолог яриа (нэг хүн ганцаараа ярьж байгаа) ба харилцан яриа (хоёр ба түүнээс дээш хүн ярилцаж байгаа)-г сонсож, тэдгээртэй холбоотой асуултуудад хариулах болно.

Үүнд бэлтгэхийн тулд:

1. Зорилгоо үргэлж бодож сонсох
2. Сонсож эхлэхээсээ өмнө юунд анхаарлаа төвлөрүүлэхээ шийдэх хэрэгтэй. Үүнд:
3. Гол санаанууд. Гол сэдэв нь юу вэ?
4. Зорилго. Илтгэгч ямар зорилготой яриад байгаа юм бэ?
5. Шилжилт. Илтгэгч нэг санаанаас нөгөө санаа руу хэрхэн шилжиж байна?
6. Өргөлт. Илтгэгч өгүүлбэр хаана хаана өргөлт авж байна вэ?
7. Унаган англи хэлтэй хүмүүсийн харилцан яриаг түлхүү сонсох.

7. Цаг тавьж бичих дасгал хийх

Бодит шалгалтын үеэр та хоёр эсээг 50 минутанд бичих шаардлагатай болно. Нэг эсээнд тэгэхээр 25 минут зарцуулна гэсэн үг бөгөөд үүний 15–20 минутанд нь эсээгээ бичиж, сүүлийн 5 минутыг эргэн шалгахад зарцуулах хэрэгтэй.

Цагтай бичих дадлагаа сайжруулахад туслах хэд хэдэн зөвлөмжийг энд оруулав

Зөв бичих дүрмээ шалгах. Gerunds болон infinitives-ийн ялгааг эргэн харах. Оршил, өгүүллэгийн талаар сайн ойлголттой байх.

Англи хэл дээр өдөр бүр тэмдэглэл, имэйл, дэлгүүрээс авах зүйлсийн жагсаалт, хийх ажлын жагсаалт, захидал, тэр ч байтугай фэйсбүүкийн post бич. Шалгалтандаа зориулж 15–20 минутын цаг тавьж бичвэл бүр үр дүнтэй.

Үг үсэг, дүрмийн алдаагаа сайн шалга. Цэг таслал хэрэглэхээ бүү мартаарай. Дүрмийн дүрмийг ашиглан дүрмийн алдаа, дүрмээ шалгаарай. Боломжтой бол бичсэн зүйлээ бусдад шалгуулаад байх хэрэгтэй. Ингэснээр алдаагаа хурдан олж, төдий чинээ хурдан засах болно.

8. Англиар ганцаараа болон бусадтай ярих дадлага хийх

TOEFL-ийн тодорхой дасгалуудыг хийхдээ хамар дороо бувтнах, эсвэл толгойдоо “үг хэлэлгүй” хэлэхийн оронд хариултаа чангаар хэл. Ганцаараа байхдаа:

- Гэрийн тэжээвэр амьтадтайгаа эсвэл бүр гэрийн ургамалтайгаа англиар ярь.

- Толины өмнө ярь.

- Зөв дуудаж чадахгүй байгаа үгээ чаддаг болтлоо давт.

- Олон улсын фонетик цагаан толгой (IPA) дуудлагын удирдамжтай танилц.

- Өөрийн ярьж буйгаа бичиж ав. Дараа нь эргүүлэн сонсож, дүгнэ.

- Багш нар, бусад оюутнууд эсвэл найз нөхөдтэйгээ ярилцах дасгал хий.

- Тэднээс өөрийнхөө дуудлага, ойлгомжтой байдал, дүрмийн талаар асуу. Шүүмж бүрйиг нь бичиж авч, тэдгээрийг засахад анхаарлаа хандуул.

9. Шууд ба шууд бус суралцах аргуудад суралцах

Аливаад суралцах шууд буюу идэвхтэй, шууд бус буюу идэвхгүй гэсэн 2 хэлбэр байдаг . Сургалтын төлөвлөгөөндөө хоёуланг нь хоёуланг нь ашиглаж байгаа эсэхээ шалгаарай.

Идэвхтэй суралцах нь тодорхой хүчин чармайлт гаргаж, зорилго тавьж суралцахыг хэлдэг.

Идэвхгүй сурах нь ямар нэг хүчин чармайлтгүйгээр, аяндаа сурахыг хэлнэ. Ингэж сурахын тулд өдөр тутамдаа англи хэлийг ашиглаарай. Жишээлбэл:

- Шинэ үг бүрийг толь бичгээс харах гэлгүйгээр кино, телевизийн нэвтрүүлэг үзэх.

- Сонирхсон сэдвээрээ ном унших

- Англиар онлайнаар ярих эсвэл захидал харилцаатай байх.

10. Жишиг тест өгөх

Цаг тавьж, яг л жинхэнэ шалгалт өгч буй мэтээр жишиг тестээ хийх нь маш үр дүнтэй.

Өөрийнхөө ахиц дэвшлийг хэмжих. Алдаагаа засаж, бэрхшээлтэй байгаа хэсгээ сайн давт. Хэдэн долоо хоногийн дараа ижил тестийг дахин хий. Оноогоо харьцуулж, сайжирсан эсэхээ шалга.

Шалгалтын орчин бүрдүүлэх. Дадлагын шалгалт өгөхдөө жинхэнэ шалгалтын орчинд байгаа мэт шалгалтаа хий.

Хэтэрхий их эсвэл бага жишиг тест хийнэ гэж байдаггүй. Харин өөрийн хүссэн онооныхоо төлөө тууштай бэлдэх нь чухал

Шалгалт өгөхийн өмнө аль болох тайван байж, хэр их бэлдсэнээ сана. Өөртөө итгэлтэй байгаарай. Амжилт хүсье!